अष्ट्रेलियाको Department of Home Affairs (DHA) ले हालै विद्यार्थी भिसा प्रणालीमा देखिन थालेका गम्भीर दुरुपयोग र integrity (विश्वसनीयता) जोखिम बारे औपचारिक चेतावनी जारी गरेको छ। मन्त्रालयका अनुसार केही विद्यार्थी भिसा आवेदकहरूले नक्कली वा कागजात–छेडछाड गरिएका पासपोर्ट प्रयोग गर्ने घटना पत्ता लागेका छन्, जसले समग्र भिसा प्रणालीको सुरक्षा र विश्वसनीयतामाथि प्रश्न खडा गरेको छ।
DHA का अनुसार दक्षिण एशियाली देशहरूबाट आउने आवेदनमध्ये केहीमा शंकास्पद गतिविधि भेटिएको छ।
भिसा एजेन्टहरूको दुरुपयोग, झुटा कागजात, बनावटी शैक्षिक प्रमाणपत्र, र भिसा पाएको पछि अध्ययन छोडेर काममा लाग्ने प्रवृत्तिले अष्ट्रेलियाको विद्यार्थी भिसा कार्यक्रम कमजोर पार्ने संकेत देखिएको मन्त्रालयले बताएको छ।
अधिकारीहरूले भनी दिएका छन् कि अष्ट्रेलियाले अन्तर्राष्ट्रिय शिक्षा क्षेत्रलाई सुरक्षा दिन कडा मूल्यांकन प्रक्रिया, कागजात प्रमाणीकरण, र जोखिमयुक्त क्षेत्रका आवेदनहरूमा अतिरिक्त जाँच लागू गर्दैछ।
विद्यार्थी भिसा अब बढी सावधानीसाथ मूल्यांकन गरिने भएकाले प्रक्रियामा ढिलाइ वा कडाइ हुन सक्ने चेतावनी पनि दिइएको छ।
गृह मन्त्रालयका अनुसार, यी कदमहरू वैध र वास्तविक विद्यार्थीहरूलाई संरक्षण गर्न र अष्ट्रेलियाको शिक्षा प्रणालीलाई दुरूपयोगबाट जोगाउन आवश्यक छन्।
सरकारले भनेको छ—“जो विद्यार्थी वास्तवमै पढ्न आउँछन्, उनीहरूलाई कुनै समस्या हुँदैन; समस्या सिर्जना गर्ने दुव्र्यवहारलाई मात्र कडाइ गर्ने हो।”
विद्यार्थी र एजेन्टका लागि सन्देश
- केवल वैध कागजातहरू प्रयोग गर्नू
- अनधिकृत एजेन्ट, असामान्य शुल्क, वा “भिसा पक्का” भन्ने धोखाधडीबाट सावधान रहनू
- आवेदन अघि पासपोर्ट, बैंक स्टेटमेन्ट, र शैक्षिक कागजात जाँच गर्नू
अष्ट्रेलियाको शिक्षा र आव्रजन प्रणालीमा दुरुपयोग बढ्दै जाँदा सरकारले कडाइ गर्न थालेको संकेत यस चेतावनीबाट स्पष्ट भएको छ।
 ले हालै विद्यार्थी भिसा प्रणालीमा देखिन थालेका गम्भीर दुरुपयोग र integrity (विश्वसनीयता) जोखिम बारे औपचारिक चेतावनी जारी गरेको छ।){kind=link}