क्विन्सल्याण्डमा इस्लामिक स्टेट समर्थन गर्न उक्साएको अभियोगमा ४ वर्ष जेल सजाय

- Advertisement -
- Advertisement -
Nepali Sanchar Network
हाम्रो फेसबुक पेज लाइक र फलो गर्नुहोस्
नेपाली सञ्चार नेटवर्क – तपाईंको आवाज, तपाईंको समाचार। सूचना, मनोरञ्जन र सामुदायिक समाचारको भरपर्दो स्रोत।
- Advertisement - Your Description
- Advertisement - Your Description

ब्रिस्बेन, अगस्ट २६, २०२५ ।
क्विन्सल्याण्डको लोगनका ४३ वर्षीय एक व्यक्तिलाई सामाजिक सञ्जालमा इस्लामिक स्टेट (आईएस) आतंकवादी समूहलाई समर्थन गर्न उक्साउने भिडियो सार्वजनिक गरेको अभियोगमा ब्रिस्बेन जिल्ला अदालतले आज ४ वर्ष कैद सजाय सुनाएको छ। उनलाई कम्तीमा ३ वर्ष जेलमा बसिसकेपछि मात्र पैरोलको अधिकार हुनेछ।

गत हप्ताको ज्यूरी ट्रायलपछि उनी ६ वटा आतंकवादलाई समर्थन गरेको अभियोगमा दोषी ठहर भएका थिए भने २ वटा अभियोगमा सफाइ पाएका थिए। साथै उनले अपराधबाट प्राप्त रकम प्रयोग गरेको एक मुद्दामा पनि दोषी स्वीकार गरेका थिए, जसमा उनले २०१३ मा सिरियामा आतङ्ककारी गतिविधिमा संलग्न हुन गएका व्यक्तिलाई आर्थिक सहयोग गरेको खुलेको थियो।

यो व्यक्ति ब्रिस्बेनमा आधारित एक धार्मिक अन्ध-उग्रवादी समूहको वरिष्ठ सदस्य रहेको पाइएको छ, जसको उद्देश्य सिरिया गएर आतङ्ककारी गतिविधिमा संलग्न हुनु थियो।

क्विन्सल्याण्ड जोइन्ट काउन्टर टेररिज्म टिम (JCTT) – जसमा अष्ट्रेलियन फेडरल पुलिस (AFP), क्विन्सल्याण्ड पुलिस सेवा (QPS) र अष्ट्रेलियन सुरक्षा गुप्तचर संगठन (ASIO) रहेका छन् – ले उनको फेसबुकमा २०१९ मार्चदेखि २०२० फेब्रुअरीसम्म राखिएका भिडियोहरूबाट प्रमाण संकलन गरेको हो। ती भिडियोहरूमा उनले अंग्रेजी र अरबी भाषामा आफ्ना फलोअरलाई आईएसलाई हतियार दिन, आर्थिक सहयोग गर्न र जिहादमा सहभागी हुन आव्हान गरेका थिए।

उक्त व्यक्तिलाई २०१९ जुनमा अष्ट्रेलिया छाडेर गएका बेला, साउदी अरबमा २०२१ मार्चमा पक्राउ गरियो र त्यसै वर्ष जुलाईमा अष्ट्रेलिया फिर्ता पठाइयो। सिड्नी एयरपोर्टमै JCTT ले उनलाई नियन्त्रणमा लिएको थियो।

उनी पहिलो पटक विदेशी युद्धमा संलग्न हुने तयारी गरेको अभियोगमा चार्ज गरिएका थिए, तर पछि सम्झौता अनुसार अपराधबाट प्राप्त रकम (१००० डलरभन्दा बढी) प्रयोग गरेको एक अभियोग मात्र स्वीकार गरे। २०२२ मा उनलाई आतंकवादलाई समर्थन गर्ने थप मुद्दामा चार्ज गरियो।

२०२२ जूनमा जमानत तोडेर GPS ट्र्याकिङ ब्रेसलेट काटेर ओमान भाग्ने प्रयास गर्दा फेरि पक्राउ परेका थिए र त्यसबेलादेखि उनी हिरासतमा रहेका छन्।

एएफपीका असिस्टेन्ट कमिश्नर स्टिफेन नटले भने,

“हामीले समुदायलाई सुरक्षित राख्न देशभरका काउन्टर टेररिज्म टिममार्फत निरन्तर काम गरिरहेका छौं। जसले आतंकवादी गतिविधिलाई उक्साउँछन् वा समर्थन गर्छन्, उनीहरूलाई पहिचान गरेर कानुनको कठघरामा उभ्याइन्छ।”

त्यसैगरी QPS का सुरक्षा तथा काउन्टर टेररिज्म कमाण्डका कार्यवाहक असिस्टेन्ट कमिश्नर हीथ हटचिङ्सले भने,

“सबै निकायहरूको साझा प्रयास र क्षमताले स्पष्ट सन्देश दिन्छ— आतङ्कवादसम्बन्धी गतिविधि गर्ने जो कोहीलाई गम्भीरतापूर्वक अनुसन्धान गरिन्छ र अदालतमा प्रस्तुत गरिन्छ।”

प्रहरी र सुरक्षा निकायहरूले समुदायलाई सतर्क रहन आह्वान गर्दै कुनै पनि शंका लाग्दो गतिविधि वा सूचना भए तुरुन्त जानकारी दिन आग्रह गरेका छन्।

- Advertisement -

LEAVE A REPLY

Please enter your comment!
Please enter your name here

Hot this week

मेलबर्नमा भैँसीको मासु भन्दै गाईको मासु बेचिदै

मेलबर्नमा भैँसीको मासु भन्दै गाईको मासु बेचिएको विषयले गम्भीर...

परदेशमा नेपालीपन: आफ्नो खल्ती रित्तियो अर्कैले कमायो धन

नेपाली मन जहाँ पुगे पनि नेपालप्रतिको माया र गर्वले...

८० प्रतिशत विद्यालयमा पाठ्यपुस्तक पुग्यो !

भक्तपुर । जनक शिक्षा सामाग्री केन्द्र लिमिटेडले देशभरका ८०...

प्रधानमन्त्री ओलीको स्पष्ट सन्देश: देशको विकास आफ्नै मेहनतले गर्नुपर्छ

लुम्बिनी प्रदेशसभाको विशेष बैठकमा प्रधानमन्त्री केपी शर्मा ओलीले तीनै...

इजरायलविरुद्ध घृणास्पद टिप्पणी गरेको आरोप लागेका नर्सहरू अष्ट्रेलियाका सबै अस्पतालबाट प्रतिबन्धित

इजरायली बिरामीहरूको हत्या गर्ने धम्की दिएपछि निलम्बनमा परेका सिड्नीका...
spot_img

भिक्टोरिया पोरेपुङ्का घटनामा दुई प्रहरीको हत्या, एक गम्भीर घाइते

भिक्टोरिया, अस्ट्रेलिया — मंगलबार बिहान (२६ अगस्ट) करिब १०:३०...

राजमा खान मन छ तर हाजमा खराब हुने डर छ भने अब डराउनु पर्दैन

राजमा — नेपाली भान्सामा धेरैको मनपर्ने र विशेष स्थान...

स्वस्थ जीवनका लागि फिटनेस: सानो बानीले दिन सक्छ ठूलो फाइदा

 व्यस्त जीवनशैली र प्रविधिको अधिक प्रयोगसँगै शारीरिक निष्क्रियता बढ्दो...

कक्षा सञ्चालनको क्रममा बाल यौन दुर्व्यवहारका तस्बिर देखिएपछि प्राध्यापक पक्राउ

मेलबर्न, अष्ट्रेलिया – एक ७० वर्षीय प्राध्यापकलाई विश्वविद्यालयको कक्षा...

स्वस्थ गर्भावस्था: आमाका लागि सुरक्षा र बच्चाका लागि बलियो भविष्य

गर्भावस्था महिलाको जीवनको विशेष र संवेदनशील चरण हो। यस...

Related Articles

spot_img
spot_imgspot_img