टाउनस्विलको इङ्गहम रोडस्थित वेस्ट इन्ड होटलमा प्रहरीले एक महिलालाई चक्कु बोकेर धम्की दिने गरेको सूचनाका आधारमा नियन्त्रणमा लिन खोज्दा गोली प्रहार गरेको छ।
क्विन्सल्याण्ड प्रहरीको अनुसार, मंगलबार साँझ ५:३० बजे अगाडि महिलाले चक्कु बोकेर धम्की दिइरहेको खबर आएपछि प्रहरी घटनास्थल पुगेका थिए। “चक्कु बोकेको महिला प्रहरीमाथि आक्रमण गर्न लागेपछि उनलाई पेटमा गोली लगाइएको छ,” प्रहरीले जनाएको छ।
प्रहरीहरूले महिलालाई प्राथमिक उपचार प्रदान गरी अस्पतालमा पठाइएको छ। घटनास्थललाई क्राइम सीन घोषणा गरिएको छ र अनुसन्धान जारी छ।
इङ्गहम स्ट्रीटको उक्त होटल वरिपरि दर्जनौं प्रहरी कार जम्मा भएका थिए। एक साक्षी जोआन एल्डसका अनुसार, “मैले प्रहरीले महिलालाई रोक्न भनिरहेको सुने, त्यसपछि गोली चल्यो।”
थप विवरण आउन बाँकी छ।
श्रोत:news.com.au