अशुतोष महाराजका शिष्यद्वारा भिक्टोरियामा दोहोरो वेलनेस कार्यक्रम: मानसिक स्वास्थ्य र योगप्रति जागरूकता

भिक्टोरिया, अष्ट्रेलिया – आध्यात्मिक ऊर्जा र समग्र स्वास्थ्यप्रति समर्पित एक विशेष पहल अन्तर्गत दिव्य ज्योति जाग्रति संस्थान (DJJS) ले आफ्ना PEACE Program मार्फत दुई महत्वपूर्ण कार्यक्रमहरू भिक्टोरियामा आयोजना गर्‍यो। मे २४ मा ह्यालम मा मानसिक स्वास्थ्य विषयक सेमिनार र मे २५ मा मेल्टन मा भव्य अन्तर्राष्ट्रिय योग दिवस कार्यक्रम सम्पन्न भयो। दुबै कार्यक्रममा गरी करिब ३७० भन्दा बढी सहभागीहरू, विशिष्ट व्यक्तित्वहरू, व्यवसायीकहरू तथा समुदाय प्रतिनिधिहरूको सक्रिय सहभागिता रह्यो।

मे २४ मा Hallam Senior Citizens Centre मा आयोजित यस कार्यक्रमलाई Australian Multicultural Organisations Network (AMON) सँग सहकार्यमा सम्पन्न गरियो। “O Mind! Smile Plzzz…!” शीर्षकमा आयोजित उक्त कार्यक्रममा २२० भन्दा बढी सहभागीहरू उपस्थित थिए। यस सेमिनारमा युवाहरू, पेशेवर वर्ग र वृद्ध नागरिकहरूका मानसिक समस्याहरूलाई वैज्ञानिक र आध्यात्मिक दृष्टिले व्याख्या गरियो।

भारतीय आध्यात्मिक गुरु अशुतोष महाराज का भगवाधारी महिला शिष्या (साध्वीहरू) द्वारा विभिन्न सत्रहरू सञ्चालन गरियो:

• साध्वी तपेश्वरी भारती ले “Google Within: Meditation for Mental Health” सत्रमा ब्रह्म ज्ञान ध्यानमार्फत मानसिक स्थिरताको अनुभूति गराउने उपायहरू साझा गरिन्।
• साध्वी पर्मा भारती ले शारीरिक योग, श्वास–प्रश्वास अभ्यास, मर्म थेरापी र मुद्रा मार्फत मानसिक सन्तुलनको महत्वबारे जानकारी दिइन्।
• साध्वी शैलेशा भारती ले “Ayurvedic Living” शीर्षकको सत्रमा आहार प्रणाली, आयुर्वेदिक जीवनशैली र हास्य व्यायामहरू प्रस्तुत गरिन्।

कार्यक्रमको अन्त्यमा “God Can Be Seen” शीर्षकको भिडियो देखाइयो जसमा ब्रह्म ज्ञान ध्यान अभ्यासबाट लाभ लिएका व्यक्तिहरूका अनुभव समेटिएका थिए।

उक्त सेमिनारमा करिब २२० जना सहभागी भएका थिए, जसमा प्रमुख अतिथिहरूका रूपमा ग्यारी मास (सांसद, न्यारि वारेन साउथ), स्टेफन कूमें (मेयर, केसी काउन्सिल), लिनेट परेइरा (काउन्सिलर, केसी काउन्सिल), मनोज कुमार (अध्यक्ष, AMON), डा. राजु अधिकारी (अध्यक्ष, AMON), रञ्जन श्रीवास्तव (संस्थापक सदस्य, AMON), विनोदकुमार दहिया (पूर्व ओलम्पिक खेलाडी तथा निर्देशक, मेलबर्न रेसलिङ्ग एकेडेमी), डा. प्रज्ञा कांत र डा. सुर्य कांत (कृषि वैज्ञानिक) लगायत विशिष्ट व्यक्तित्वहरूको उपस्थिति रहेको थियो।

मे २५ मा Melton Community Hall मा Consulate General of India, Melbourne सँगको सहकार्यमा DJJS ले अन्तर्राष्ट्रिय योग दिवस मनायो। करिब १५० सहभागीहरूको उपस्थिति रहेको कार्यक्रममा पतञ्जलीको अष्टांग योग को शारीरिक, मानसिक र आध्यात्मिक पक्षहरू समेटियो।

• साध्वी पर्मा भारती ले शारीरिक योग सत्रको नेतृत्व गर्दै दैनिक जीवनमा योग अभ्यासलाई कसरी समावेश गर्न सकिन्छ भन्नेबारे प्रशिक्षण दिइन्।
• साध्वी शैलेशा भारती ले प्राणायाम—कपालभाति, अनुलोम–विलोम— लगायत तनाव व्यवस्थापनका उपायहरू प्रस्तुत गरिन्।
• साध्वी तपेश्वरी भारती ले योग निद्रा र ध्यान समेटिएको आध्यात्मिक सत्र सञ्चालन गरिन्। उनले ब्रह्म ज्ञान ध्यानलाई आध्यात्मिक रूपान्तरणको उपायका रूपमा प्रस्तुत गरिन्।

कार्यक्रममा MP स्टिभ म्याक्गी (Melton), डा. सुशील कुमार (महावाणिज्यदूत, CGI Melbourne) र मेयर प्रदीप तिवारी (Maribyrnong City) लगायतले सहभागिता जनाएका थिए। डा. कुमारले DJJS ले भारतीय संस्कृति र योग परम्परालाई अस्ट्रेलियामा प्रवर्द्धन गरेकोमा प्रसंसा व्यक्त गरे।

दुबै कार्यक्रमहरूमा Teesdale Family Medical Centre, Absolut Financial, Trinity Medical Group, Gurzora Homes, Commune Health Services, Urban Dream Real Estate, Brilliant Migration Club लगायतका संस्थाहरूले प्रायोजन तथा Sahara Victorian Association, Vedic Global, Let’s Feed, Aastha जस्ता समुदायिक सङ्गठनहरूले सहकार्य गरेका थिए।

यी सशक्त कार्यक्रमहरू मार्फत DJJS र PEACE Program ले आधुनिक स्वास्थ्य चासोहरूसँग प्राचीन भारतीय ज्ञानको समन्वय गर्दै व्यक्तिगत सन्तुलन र सामाजिक मेलमिलाप प्रवर्द्धन गरेका छन्। सहभागीहरू र अतिथिहरूको अनुसार, यस्ता पहलहरूले केवल व्यक्तिगत रूपान्तरण मात्र होइन, अष्ट्रेलियाको बहुसांस्कृतिक समाजमा आध्यात्मिक चेतना पनि अभिवृद्धि गर्छ।

यो समाचार नेपाली संचारको लागि प्रमोद के सोनीद्वारा रंजन श्रीवास्तव र गुरप्रीत ढिल्लोको सहयोगमा तयार पारिएको हो।